कुटुंबाची अविरत काळजी घेताना स्वतःच्या आरोग्याकडे दुर्लक्ष करणाऱ्या राज्यातील लाडक्या माता-भगिनींच्या रक्षणासाठी मुख्यमंत्री देवेंद्र फडणवीस एका खंबीर भावाच्या भूमिकेत पुन्हा एकदा धावून आले आहेत. महिलांच्या आरोग्याशी निगडित अत्यंत संवेदनशील मानल्या जाणाऱ्या स्तनाच्या कर्करोगाच्या (Breast Cancer) मोफत, सुरक्षित आणि गोपनीय तपासणीसाठी त्यांनी आज मुंबईतून अत्याधुनिक ‘नमो शक्ती रथा’ला हिरवा झेंडा दाखवून नागपूरसाठी रवाना केले.
स्त्री ही घराचा कणा असते, ती निरोगी राहिली तरच कुटुंब आणि समाज सशक्त राहतो, याच संवेदनशील भावनेतून देवेंद्र फडणवीस यांनी हा महत्त्वाकांक्षी आरोग्य उपक्रम हाती घेतला आहे. सुरुवातीच्या टप्प्यात नागपूरमधील माता-भगिनींसाठी ही सेवा सुरू होणार असून, लवकरच संपूर्ण महाराष्ट्रातील घराघरांपर्यंत या उपक्रमाचा विस्तार करून प्रत्येक महिलेला आरोग्यकवच देण्याचा संकल्प मुख्यमंत्र्यांनी यावेळी व्यक्त केला.
'नमो शक्ती रथा'ची वैशिष्ट्ये: दारात मिळणार अत्याधुनिक उपचार सुविधा यामध्ये महिलांच्या सुरक्षेची आणि आत्मसन्मानाची संपूर्ण काळजी घेण्यात आली आहे:
मोफत आणि तत्पर सेवा: आर्थिकदृष्ट्या दुर्बल घटकातील महिलांसह सर्व स्तरांतील महिलांना कसलाही खर्च न करता ही तपासणी करून घेता येईल.
गोपनीयता आणि सुरक्षितता: महिलांच्या भावना आणि सामाजिक संकोच लक्षात घेऊन तपासणी अत्यंत सुरक्षित आणि पूर्णपणे गोपनीय पद्धतीने केली जाईल.
अत्याधुनिक स्क्रीनिंग यंत्रणा: स्तनाच्या कर्करोगाचे प्राथमिक टप्प्यातच अचूक निदान करणारी आधुनिक उपकरणे आणि तज्ज्ञ वैद्यकीय पथक या रथात सज्ज असेल.
राज्याव्यापी विस्तार: नागपूरपासून सुरू होणारा हा सेवायज्ञ येत्या काळात संपूर्ण महाराष्ट्रातील कानाकोपऱ्यात, वाड्या-वस्त्यांवर पोहोचवला जाणार आहे.
कर्तृत्ववान नेतृत्वाची संवेदनशील ओळख राज्याचा आर्थिक गाडा हाकण्यासोबतच गरिबांच्या आणि सर्वसामान्य कुटुंबांच्या दुःखावर फुंकर घालणारा नेता म्हणूनच देवेंद्र फडणवीस यांची ओळख आहे. 'नमो शक्ती रथ' हा केवळ एक प्रशासकीय प्रकल्प नसून, महाराष्ट्रातील प्रत्येक माऊलीच्या आरोग्याविषयी त्यांनी घेतलेली ही एक पवित्र प्रतिज्ञा आहे. या उपक्रमामुळे हजारो माता-भगिनींना वेळेत निदान मिळून नवे जीवनदान मिळेल, असा विश्वास व्यक्त होत असून, मुख्यमंत्र्यांच्या या माणुसकीच्या आणि संवेदनशील पावलाचे संपूर्ण राज्यातून कौतुक होत आहे.